Link açıqlığı

Qırımda Docudays Halqara insan aqları vesiqalı kino festivali keçirilmekte


Rusiye işğal etken Qırımda Docudays halqara insan aqları vesiqalı kino festivaliniñ programmasından vesiqalı levhalar kösterilmekte. Bunı Kreml kontrol etken Qırım ükümetiniñ matbuat hızmeti bildire.

«Qırım Cumhuriyetindeki festival programmasında GBU RK «Krımskiy kinomediatsentr» 14 levhanı numayış ete. Festival programmasınıñ levhaları Aqmescit, Ermeni Bazar, Saq, Kezlev, Bağçasaray, Yalta şeerleri, Or Qapı, Canköy, Seyitler, Saq, Bağçasaray, Aqmescit ve Curçı rayonlarınıñ medeniyet müessiselerinde ve oquv yurtlarında kösterilmektedir», – dep aytıla haberde.

Bu sene aprel ayında Kyivde Docudays UA insan aqları aqqında 13-ünci halqara vesiqalı kino festivaliniñ qapanış merasiminde Qırımnıñ siyasiy mabusı, Rusiyede mahküm etilgen kinorejissör Oleg Sentsovğa qoltutuv aktsiyası olıp keçti. Seyirciler ve jüri aktsiya vaqtında «Free Sentsov» levhalarını köterdi.

Qırım işğalinden soñ yarımadada insanlar, hususan, qırımtatarlar qaçırılmağa başladı. Rusiye kontrol etken Qırım Taqiqat komiteti «yarımadada qırımtatarlarnıñ kütleviy ğayıp olması yoq», dep israr ete.

Qırım uquq qorçalayıcı gruppası insanları Rusiye akimiyeti ve oña hızmet etkenler qaçıra bile, dep tahmin ete. Qırım akimiyeti insanlarnıñ ğayıp olmasını tanısa da, öz alâqalarını inkâr ete.

XS
SM
MD
LG