Link açıqlığı

BMT Baş assambleyası Qırımda insan aqlarına dair rezolütsiyanı qabul etti


Qırımda insan aqlarına dair rezolütsiyağa rey berüv neticeleri, 2016 senesi dekabr 19 künü

Dekabr 19-da Birleşken Milletler Teşkilâtı Baş assambleyasınıñ toplaşuvında Rusiye işğal etken Qırımda insan aqlarına dair rezolütsiya qabul etildi.

Qırım aqqında rezolütsiyanıñ ukrain leyhasına BMT 70 devlet-azası qoltuttı, 26 qarşı çıqtı, 77 aza bitaraf oldı.

Ukraina tışqı işler naziriniñ muavini Sergey Kislitsa toplaşuvda çıqışta bulunıp, BMT devlet-azalarını ukrain rezolütsiyasına reyy bermege çağırdı.

«Qırımda işğalcilerden zarar körgenler qorqa ve yardımğa muhtac. Olar aqlarını qorçalama, narazılıq ya da eşitilme imkânları olmasa da yaşay. Ukraina, Rusiye Federatsiyasını işğalci devlet olaraq halqara uquqqa uyğun bir şekilde şartlarını yerine ketirmesi, em de işğal etilgen yarımadağa halqara uquq qorçalayıcı mehanizmleriniñ telükesiz ve maniasız kirmesi ve monitoring yapması ve olarnıñ vazifelerine köre vaziyet aqqında esabat bermesi içün bütün ğayretini kösterecektir», – dep ayttı Kislitsa.

Qırımda insan aqlarına dair rezolütsiyağa qoltutqan BMT devlet-azaları, 2016 senesi dekabr 19 künü
Qırımda insan aqlarına dair rezolütsiyağa qoltutqan BMT devlet-azaları, 2016 senesi dekabr 19 künü

Ukraina TİN matbuat kâtibi Maryana Betsa «Qırım haberleri» agentligine bergen malümatına köre, «bu rezolütsiya – Rusiye akimiyeti Qırımda işğalci olıp, insan aqları sert bir şekilde bozulğanını ifadelegen müim bir vesiqa».

Birleşken Milletler Teşkilâtı Baş assambleyasınıñ üçünci komiteti toplaşuvında noyabr 15, salı künü Ukraina teşebbüsi ile azırlanılğan «Qırım Muhtar Cumhuriyeti ve Aqyar şeerinde (Ukraina) insan aqlarınıñ vaziyeti» rezolütsiyası qabul etildi. BMT vesiqalarında ilk kere Rusiye «işğalci-devlet» olaraq adlandırıldı, Qırım Muhtar Cumhuriyeti ile Aqyar ise – «vaqıtınca işğal etilgen topraqlar».

Dekabr 15-de Amnesty International halqara uquq qoruma teşkilâtı, 2014 senesi yarımada işğal etilgeninden berli Rusiye akimiyeti tarafından muntazam surette qırımtatar cemiyetiniñ aqları bozulğanını beyan etti.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG