Link açıqlığı

Saatnıñ esas haberi

Rusiyeniñ Türkiyedeki elçisi vefat etti – Zaharova


Andrey Karlov
Andrey Karlov

Rusiye Tışqı işler nazirliginiñ temsilcisi Mariya Zaharova, Moskvanıñ Türkiyedeki elçisi Andrey Karlov alğan yaralarından vefat etkenini tasdiqladı.

Karlov dekabr 19 künü Ankarada ağır yaralanğan edi.

Rusiyeli TASS agentligi bildirdi ki, Zemaneviy medeniyet Galereyasında «Türklerniñ közlerinde Rusiye» adlı fotosergide Rusiye elçisi sözge çıqqanda belgisiz silâlı insan oña ateş açtı.

Şaatlardan biri Hurriyet Daily News türk gazetasına, ücümci başta sergi ziyaretçileri tarafına bir-qaç kere avağa ateş açıp ve soñra elçini atıp yaralağanını bildirdi.

Yayınlanğan videoda, ücümci ateş açıp «Allahu Ekber» bağırğanı eşitile.

Dekabr 20 künü Türkiye TİN yolbaşçısı Mevlüt Çavuşoğlu Moskvanı ziyaret etip, Rusiye ve İran Tışqı işler nazirlerinen Suriyedeki vaziyetni muzakere etmek kerek edi.

XS
SM
MD
LG