Link açıqlığı

Qırımtatarı olğan ukrain yırcısı Jamala YUNA muzıka mukâfatınıñ «Eñ eyi solo artist» kategoriyasında namzet oldı. Bunı yarışnıñ teşkilâtçıları bildire.

Qayd etile ki, namzetler 12 kategoriyada ilân etildi, olarn yüzden ziyade professional muzıka eksperti sayladı

Jamaladan ğayrı «Eñ eyi solo artist» kategoriyasına ukrain icracıları LOBODA, MONATIK, Maks Barskih ve Tina Karol kirgenler.

YUNA muzıka mukâfatı – er yıl muzıka sanatınıñ eñ eyi erbaplarını belgilegen milliy mukâfattır. YUNA mukâfatınıñ maqsadı ukrain muzıkasınıñ inkişafına yol bermek, müellif ve icracılarğa qoltutmaqtır.

Bundan evel Jamala «Yañı zamannıñ insanları» mukâfatınıñ laureatı oldı. Onı «Novoye Vremâ» ukrain mecmuası taqdim etken.

Keçken sene bu premiya qırımtatar halqınıñ lideri Mustafa Cemilev, Qırımtatar Milliy Meclisiniñ reisi Refat Çubarov ve ATR qırımtatar telekanalınıñ saibi Lenur İslâmovğa berilgen edi.

XS
SM
MD
LG