Link açıqlığı

Qırımda kiçik sınıf talebelerine IŞİD aqqında tarif eteler – Celâl


Qırımda kiçik sınıf talebelerine IŞİD aqqında tarif eteler ve, patlavlar vaqıtında nasıl davqranmağa kerek olğanlanları aqqında sızma film köstereler. Bunı Facebookta Qırımtatar Milliy Meclis reisiniñ birinci muavini Nariman Celâl haber etti.

«Bügün ömür arqadaşımnen şaşıp qaldıq. Ekinci sınıfqa barğan qızımız qayğısız ve tüşünmeyip dey ki, bügün mektemte olarğa ve birinci sınıf talebelerine IŞİD aqqında tarif ettiler ve sızma film kösterdiler, o filmde FVN hadimi maşna ya da uçaq patlağanda ne yapmağa kerek olğanını añlata. Ders böyle sözlernen yekünlengen: «Kim ölümni seçse, o IŞİD-ke kere, kim ayat seçse – anda barmay», – dep yazdı Celâl.

Celâl qayd etti ki, «IŞİD aqqında ikâyeler – kiçik sınıf talebeleri içün olmaz».

«Maña ömür arqadaşımnen sekiz yaş olğanda, bizge IŞİD aqqında tarif etmediler (o yoq edi), lâkin biz mahlüqnı melundan ayıra bilemiz. Beyler, ya siz birden Halep (Aleppo) resimlerini köstermeysiñizmi?! Suriye balları bizim ballarımıznen tecribe paylaşır ediler. Bizim qorantamız zorbalıqnıñ ve öldürüvniñ er çeşitini tenqid ete, onı terroristler yapsa da, üniformalı insanlar da», – dep beyan etti Celâl.

XS
SM
MD
LG