Ukraina kütleviy haber vastaları Nikolay Semenanıñ dekabr 15-de Kyivde açılğan «Tamamen alınğan» fotosergisini aydınlattı.
Levhalar «Gromadske telebaçennâ» ve «5 kanal» yayınlarında kösterildi.
«QHA», «Den» gazetası, Ukrinform levha ve fotoresimlerni yerleştirgenler.
Semenanıñ 20 yıllıq jurnalist faaliyeti devamında toplağan 11 fotoresim dekabr 15-de Kyivdeki Qırım evi divarlarında asıldı. Rusiye uquq qoruyıcıları Qırımda jurnalistniñ evinde tintüv keçirip, onıñ şahsiy bilgisayarından 900 gigabayt malümatnı alıp ketti.
Baarde Qırımda Qırım.Aqiqat ile işbirliginde şeklengen jurnalistlerniñ evlerinde tintüvler olıp keçti. Radio Svoboda müellifi Nikolay Semenağa qarşı Rusiye Federatsiyasınıñ topraq bütünligini bozmaq çağıruvları şeklenmesi ile cinaiy iş açıldı. Rusiye taqiqatı oña yarımadanı terk etmege yasaq etti.
Ukraina Tışqı işler nazirligi işğal etilgen Qırımda Ukraina vatandaşları, şu cümleden Nikolay Semenanıñ taqip etilmesinden qasevetlengenini bildirip, oña qarşı yapılğa basqını toqtatmağa çağırdı.
