Link açıqlığı

Qırım uquq qorçalayıcı gruppası dekabr 16-da bildirgenine köre, işğal etilgen yarımadada Rusiye FSB hadimleri Qırım faali İgor Movenkonı yaqaladı. Bunı teşkilât Facebook saifesinde bildire.

«Qırımda FSB hadimleri faal İgor Movenkonı yaqaladı. Bunı ömür arqadaşı Valentina Qırım uquq qorçalayıcı gruppasına bildirdi. Qırım uquq qorçalayıcı gruppası bu malümatnı teşkermekte», – dep bildirdi uquq qorçalayıcılar.

Qırım.Aqiqat İgor Movenkonıñ ömür arqadaşı ile bağlanmağa tırışa, o, cevap bermey. Qırım uquq qorçalayıcı gruppasınıñ yolbaşçısı Olga Skrıpnik tezden vaziyetni izaatlamağa söz berdi.

Sentâbr 9-da YouTube ağında İgor Movenkonıñ ömür arqadaşı adise yerinde çıqarğan video peyda oldı. Onıñ aytqanına köre, er kişi İgor Movenkonı ayaqmaşinasında olğan «Azov» ukrain batalyonınıñ timsallerinden sebep köteklegen.

Ekimler İgor Movenkonıñ sağlığına bir sıra zarar ketirilgenini qayd etti.

Kreml kontrol etken Aqyarnıñ Gagarin rayon mahkemesi İgor Movenkoğa eki biñ ruble para cezasını berdi.

Qırım Muhtar Cumhuriyetiniñ prokuraturası 2016 senesi sentâbr 9-da Aqyar şeerinde ukrain timsallerini qullanğanından sebep köteklengen Ukraina vatandaşınıñ mahkemeden aldın taqiqatını keçirmege başladı.

XS
SM
MD
LG