Pragada, Václav Havel adına Kitaphanede, dekabr 15 künü Rusiyeli mustaqil jurnalist Anton Naumlük ile körüşüv ötkerildi. Körüşüvniñ esas mevzusı – Rusiye tarafındna işğal etilgen Qırımda yaşağan, boysunmağan vatandaşlarnıñ taqdiri oldı. Bunı Qırım.Aqiqat muhbiri bildire.
Rusiyeli jurnalist, endi çoq vaqıttır, qırımtatar ve ukrain faalleriniñ Qırımda, ukrain yarımadası işğal etilgen soñ, nasıl yaşağanlarını taqip ete. Onıñ fikirince, Rusiye akimiyeti Qırımda boysunmağan vandaşlarğa yapqan basqısı ve bir-çoq mahkeme işleri – Rusiyeniñ Ukrainağa qarşı alıp barğan melez cenkiniñ daa bir usulıdır.
Körüşüv devamında Anton Naumlük büyük diqqatnı, apis etilgenlerniñ ailelerini birleştirgen «Qırım birdemligi» cemaat teşkilâtınıñ işine ayırı.
Jurnalistniñ sözlerine köre, büyük basqı ve devamlı taqiplerge baqmadan, «Kreml Qırımnı adiy Rusiye regionına çevirip olamadı».
Qırımtatarlarnıñ şimdiki er künlük yaşayını köstergen Anton Naumlükniñ foto-sergisi Pragada dekabr 19 künü açılacaq. Onıñ Çehiyada açılmasına belli çeh gumanitar «Člověk v tísni» («İnsan belâda») telkilâtı yardım etti.
Bundan evel Naumlükniñ foto-segisi Ankarada kösterilgen edi.
