Link açıqlığı

Saatnıñ esas haberi

«Crimea SOS» halqara seviyede «Find and free» kampaniyasını başlatmağa istey – Taşeva


Tamila Taşeva
Tamila Taşeva

Yaqın zamanda «Crimea SOS» cemaat teşebbüsi «Find and Free» («Tapmaq ve azat etmek») halqara kampaniyasını başlatacaq ola. Bunıñ maqsadı – ğayıp olğan insanlarnı qıdırmaq ve Qırımda apiske oturtılğanlarnı azat etmek.

Bunı Qırım.Aqiqatqa «Crimea SOS» teşebüsiniñ idarecisi Tamila Taşeva bildirdi.

«Pek yaqın zamanda bizler halqara kampaniya başlatacamız, onıñ adı «Find and Free» («Tapmaq ve azat etmek»)... Bu kampaniyağa em de ukrain, em de qırımtatar diasporaları ve halqara teşkilâtlar qoşulacaq», – dedi Taşeva.

Onıñ sözlerine köre, «Free Ervin» aktsiyası bütün «Find and Free» kampaniyasınıñ bir qısımı olacaq.

«Elbette ki, er ay (Rusiye – QA) elçiliginiñ qarşısına çıqmaq – bu Rusiye devlet organlarınen bağlanmaq ve ğayıp olğan ya da apis etilgen insanlarnıñ tapılmasını ve azat etilmesini talap etmektir. Bu – halqara teşkilâtlarnen ve müessiselernen bağ qurmaqtır», – dep qayd etti Taşeva.

Qırım işğalinden soñ yarımadada insanlarnıñ, ekseriyeti qırımtatarlarnıñ, ğayıp olma adiseleri sıqlaştı. Bunen beraber Rusiyeniñ Qırımdaki Taqiqat komiteti tasdiqlay ki, «qırımtatarlarnıñ büyük sayıda ğayıp olması qayd etilmey».

Farqlı menbaalarğa köre, işğal olunğan Qırımda 13-20 insan ğayıp oldı, eñ azından 6 insan ölü tapıldı. Bu munasebetnen Crimea SOS, er aynıñ 25-ci kününde Rusiye elçihanesi qarşısında aktsiyalar teşkil ete.

XS
SM
MD
LG