Link açıqlığı

Qırımtatar Maaliy Merkezi, qırımtatar halqınıñ açıq diplomatiya stradegiyasını kerçekleştirip, açıq diplomatiya Akademiyasını teşkil etmege niyetli. Bunı dekabr 15 künü matbuat-konferentsiyası devamında Qırımtatar Milliy Meclis azası Eskender Bariyev bildirdi, dep haber ete RBK-Ukraina.

«Qırımtatar Malliy Merkezi, bu strategiyanı amelge keçirmek içün mahsus programma azırladı, onıñ adı «Açıq diplomatiyanıñ turğun inkişafı ile Qırımda insan aqlırınıñ qorçalanması». Bu programmanıñ bir-qaç yöñelişi bar, olardan birincisi – Açıq diplomatiya Akademiyası», – dep beyan etti Bariyev.

Onıñ sözlerine köre, istegen insanlarnıñ arizaları qabul etilgen soñ, 20 insandan ibaret belli bir gruppa teşkil olunacaq ve olarğa tasil berilecek.

«Böyle etip, biz halq diplomatlarını azırlaycamız, olar halqara teşkilâtlarda nasıl çalışmaq kerek olğanlarını bilecekler», – dedi Bariyev.

Bariyevniñ sözlerine köre, seminarlarda ders bermek içün halqara ekspertler, em de Haber siyaseti ve Tışqı işler Nazirliklerinden mutehassıslar celp etilecek.

XS
SM
MD
LG