Link açıqlığı

Aqmescitteki «Privoz» bazarında dekabr 15 künü eñ azından beş insan yaqalandı. Bunı Facebook saifesinde advokat Emil Kurbedinov haber etti.

Advokatnıñ malümatına köre, «Privoz» bazarında kene teşkerüv ve tintüvler keçirilip, musulmanlar ve ukrain pasportınıñ saipleri tutıla.

«Bese belli, kene erkstremizge qarşı küreş merkezine ketirip parmaq izlerini alacaqlar ve diger tedbirler körecekler. Bu kibi areketler Qırımda defalarca, insan aqlarınıñ qaba bozuvları ile, ötkerile edi», – dep yazdı Kurbedinov.

Advoktanıñ sözlerine köre, teşkerüv neticesinde eñ azından beş insan yaqalandı.

Qırım Rusiye tarafından işğal etilgen soñ yarımadada qırımtatarlarnıñ evlerinde, camilerde tintüvler keçirilip başladı, adamlar diniy mensüpligine köre taqip etile, dep qayd ete Meclis temsilcileri ve uquq qorçalayıcılar. Lâkin yarımadadaki Rusiye akimiyeti ve Kreml bunı inkâr ete.

XS
SM
MD
LG