Link açıqlığı

Saatnıñ esas haberi

«Krımenergo» suvuqlardan sebep elektrik aqımı yetişmegenini beyan etti


Suvuqlar kelgen soñ Qırımda qullalğan elektrikniñ kölemi 1300 MWt aştı, ve bundan sebep energetik sistemada yetişmemezlik iss etile. Bunı dekabr 15 künü «Krımenergo» matbuat-hızmeti beyan etti.

«Yüksek voltajlı obyektlerde qazalarğa yol bermegen avtomatika areketke keçmemesi içün, «Krımenergo» er kün, eñ çoq energiya qullanılğan vaqıtlarda, yedek energiya menbaalarnı (dizel generatorlarını) qullanıp başlay, olar yetişmegen energiyanı çıqarıp, ağlardaki aqımnı sakinleştire», – dep buyurıla beyanatta.

Matbuat-hızmette qayd ettiler ki, qullanıcılar saba ve aqşam maallerinde qullanılğan energiyanıñ kölemini eksiltmek kerekler.

2015 senesi dekabr ayından başlap, elektrik direkleriniñ bozulmasından sebep, Qırımğa esas Ukrainadan elektrik aqımı ketmey. Şimdi Qırım özü çıqarğan energiyasını, Rusiyeden ketirilgen generatorlar ve Kubanden keçirilgen energetik köpürden kelgen energiyanı qullana.

XS
SM
MD
LG