Kyivde dekabr 15 künü Amnesty International halqara uquq qorçalav teşkilâtı, işğal etilgen Qırımda insan aqlarınıñ vaziyeti aqqında azırlağan ekinci esabatını taqdim etti. Esabatta insan aqlarınıñ vaziyeti yarımadada ket-kete beterleşkeni qayd etile, dep haber ete Qırım.Aqiqat muhbiri.
Amnesty International teşkilâtınıñ Avropa ve Orta Asiya bölüginiñ müdir muavini Denis Krivoşeyev, kelecekte Qırımda fikirleri uymağanlarğa qarşı şiddetli basqı yapılacağından qorqqanını bildirdi.
«Netice ve hulâsalar soñ derece kederlete. Vaziyet pek tez beterleşe. Bundan ögüne bizler, ilk evelâ söz serbestligi ve serbest toplaşuvlar aqlarına qarşı yapılğan bozuvlarğa diqqat ayıra edik. Bügün ise bizler, bu aqlarnı qullanmağa tırışqan insanlarğa qarşı cinaiy işler açılğanını köremiz. Bu vaziyetniñ soñu körünmey. Er angi farqlı fikirge qarşı şiddet ile basqı yapılmaq mümkün», – dedi uquq qoröalayıcı.
Krivoşeyev ukrain akimiyetini, eñ yaqın zamanda, halqara cinaiy mahkemeniñ timeline qoyulğan Roma Statüsini qabul etmege çağırdı. Onıñ sözlerine köre, bu vesiqa qabul etilde, insan aqlarınıñ bozuv qurbanları adaletli mahkemege ümüt ete bilir edi.
Kyivte dekabr 8 künü BMT Nezaret Missiyası Ukrainada insane aqlarınıñ vaziyeti aqqında 16-cı esabatını taqdim etken edi, onda işğal etilgen Qırımda muntazam surette insane aqları bozulğanı aytıla.
