Avropa Birligi dekabr 15-de keçirilmesi planlaştırılğan Avropa Birligi Şurası toplaşuvından soñ Rusiyege qarşı iqtisadiy cezalarnı devam ettirecektir, dep bildire Brüsseldeki Radio Svoboda mühbiri.
«Yazma işleri cuma künü başlap, kelecek afta yekünlenecektir», – dep yazdı Rikard Jozwiak Twitterde.
Dekabr 6-da Avropa birliginiñ diplomatları adları gizli qalacaq şartı ile Radio Svobodağa bildirdi ki, AB liderleri Brüsselde dekabr 15-de Rusiyege qarşı iqtisadiy cezalarnı 2017 senesi iyül 31 kününe qadar uzatacaq.
Cezalar yanvar ayında soñuna kelmekte.
2014 senesinden başlap Ğarp Ukrainadaki vaziyet kengirleşkeninden ve Rusiyeniñ oña qarşı Qırım ve Donbass istilâsından sebep oña qarşı ceza kirsetti.
