Qırımtatar Milliy Meclisiniñ reis muavini Ahtem Çiygoznıñ 52-nci doğğan kününde dostları ve qırımtatar faalleri Bağçasaraydaki evinde ana-babası ve ömür arqadaşına qoltutmaq içün toplaşqanlar. Tahminen 80 insan keldi, dep bildire Qırım.Aqiqat.
Ananeviy dua merasimi ve bayram yemegi oldı.
Çiygoznıñ ömür arqadaşı Elmira Ablâlimova onı SİZOda ziyaret etti. Dey ki, Çiygoz«dayana».
«Añlaysıñızdır: ekinci doğğan künü apishanede», – dep qoştı Ablâlimova.
İçtimaiy ağlarda qırımtatar faalleri Ahtem Çiygoznıñ doğğan kününi tebrikledi – bazıları saifelerine hayırlav sözlerini ve Meclis reisiniñ muavini olğan fotoresimlerni yerleştirdi.
Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Rus Birligi» firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.
Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.
