Link açıqlığı

Qırımtatar Milliy Meclis reisiniñ muavini Ahem Çiygoznıñ advokatı Nikolay Polozov dekabr 13 künü Kyivde, eliçiler ve çeşit halqara teşkilât vekilleri ile ötkerilgen körüşüv devamında, öz müşterisiniñ muracaatını seslendirdi. Öz mektübinde Çiygoz, 2014 senesi fevral-mart aylarında Qırımda olıp keçken vaqialarnı «Rusiye tarafından yapılğan arbiy istlâ» olaraq adlandıra.

«Bu vaqialarnı er kes farqlı qabul etti: birileri olğan şeylerni añlamay edi, digerleri – bunı deli kibi destekley edi. Qırımtatarları, çoq yıllar devamında Qırımda rus ayrımcılıq ğayesiniñ küçlenmesine qarşı çıqıp, Qırımnıñ Rusiye tarafandan işğal etilmesine çorlanıp, qarşı çıqtı. Ve er bir gruppa ne yapacağını özü belgiley edi: birileri – otura ediler ya da Qırımnı terk etip, qıtaiy Ukrainağa kete edi, digerleri – öz tabiy davranışını devam ete edi, yani çeşit şekillerde narazılıq kösere edi, ve bu, tabiiy ki, bir sıra basqılarğa ketirdi – birilerni – esir etip öldüre ediler, digerlerini – para cazalarınen ya da apishane müddetlerinen cezalay ediler...», – dep aytıla muracaatta.

Çiygoznıñ fikirine köre, Qırımnıñ işğal etilmesinde, temel aqlar aqıında unutqan, can aqqı, azatlıq, söz serbestligi, saylav serbestligi ve insan aqları ile miletlerniñ teñ uquqlarnen yaşamalarını teminlegen diger halqara normalarnı unutqan insanlar qabaatlılar.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG