Link açıqlığı

Kyivde dekabr 14 künü Ukrain akimiyetiniñ nevbetteki toplaşuvında, Qırımnıñ informatsion qaytarılması boyunca Strategiya işlemelerini taqdim etecekler. Strategiya üzerinde saanıñ ekspertleri çalışa. Bunı dekabr 13 künü Ukraina haber siyasetiniñ birinci muavini Emine Ceppar haber etti.

«Strategiyanıñ özü degil de, olacaq vesiqanıñ esas parametrleri taqdim etilecek, onıñ azırlanılmasınen oğraşqan gruppa meraqlanğan taraflarnen sıq işbirlikte bulunıp onı yazacaq», – dep añlattı Ceppar.

Ukraina haber siyaset naziriniñ Qırım meseleleri boyunca mesleatçısı Yuliya Kozdobinanıñ sözlerine köre, vesiqanıñ üzerinde çalışmalar alıp barılğanda içtimaiy tedqiqatlar, haber vastalarınıñ nezareti, analitik merkezlerinde Qırım mevzusında keçirilgen tedqiqatlarnıñ talil etilmesi ötkerilecektir.

Strategiya eñ azından üç ay devamında azırlanılacaq, dep qayd ettiler nazirlikte.

9 dekabr künü 2016 senesi Ukraina Haber siyaset nazirliginde Qırımnıñ informatsion qaytarıluv Strategiyası boyunca iş gruppası nevbetteki toplaşuv ötkergen edi.

Ekspertler taqımı noyabrniñ soñunda vesiqanıñ azırlanılmasını başladı. Strategiya üzerinde Ukraina Haber siyaset nazirligingi, Vaqtınca işğal etilgen topraqlar meseleleri boyunca nazirlik, Milliy strategik tedqiqatlar institu, Milliy telükesizlik ve mudafaa Şurasınıñ apparatı, Siyasiy tedqiqatlar Ukraina mustaqil merkeziniñ mutehassısları celp etildi.

XS
SM
MD
LG