Link açıqlığı

Saatnıñ esas haberi

Rusiye ordusını Qırımda «Triumf» uzun ve orta uzaqlıq sistemasınen teminleyler


İşğal etilgen Qırımda ava qoruv raketa polklarından biri, daimiy maqamda yerleştirilgen, PVO C-400 «Triumf» sisteması ile temin etildi. Bunı salı künü jurnalistlerge Ava Quvetleriniñ 4-ci ordusı ve Rusiyeniñ Cenübiy arbiy ogrugınıñ PVO komandanı Viktor Sevostyanov bildirdi.

«Dekabr ayında bu, aqiqaten, qocaman sistema arbiy nevbetçilikke çıqa ve memleketimizniñ cenübinde endi bar olğan Ava qoruv sistemasını yüzlerce kilometrge qaplap ala», – degen Sevostyanovnıñ sözlerini «İnterfaks» ketire.

Moskva işğal etilgen yarımadada arbiy nevbetçilikke C-400 «Triumf» ve «Pantsır-C» zenit-raketa komplekslerini yerleştirdi. Rusiye Qara deñiz flotunı yañı gemilernen, uçaqlarnen ve tehnikanen teminlemege devam ete.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ihlâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG