Rusiye advokatı Nikolay Polozovnıñ uquqiy imayecisi peyda oldı. Bunı Polozov dekabr 12-de Facebooktaki saifesinde yazdı.
Polozovnıñ bildirgenine köre, onıñ imayecisi Qırım advokatı Oksana Jeleznâk ola.
«Menim emrime köre, imayem oturış (Polozovnıñ şaat olaraq sorğuğa çekilmesi –QA) avuştırılmasını isteycek. Ümüt etem ki, mahkeme tez ve qanunsız qararlarnı qabul etmez», – dep yazdı Polozov.
Advokat Kyivge ketip, mahkeme oturışına kelemeycegini bildirdi. O, «işğal altındaki Qırımda insan aqlarınıñ qorçalanması meselesini aydınlatacaq ola».
Polozovnıñ bildirgenine köre, «İlmi Ümerovnıñ davasında» FSB taqiqatçısı advokatnı şaat statusına keçirmege ve Polozovnı sorğuğa çekmege tırışıp, esnastan çetleştirecek ola.
