Link açıqlığı

Litvaniya Rusiyeniñ Qırımda yapqan areketlerini işğal olaraq tanıdı


Dalia Grybauskaite ve Petro Poroshenko, Kyiv, 12 dekabr 2016 senesi

Litvaniya resmiy vesiqada Rusiyeniñ Qırımdaki areketlerini işğal olaraq tanıdı. Bu aqta Ukraina prezidenti Petro Poroşenko ve Litvaniya prezidenti Dalia Grybauskaiteniñ 12 dekabrde seslendirilgen umumiy beyanatlarında aytıla, dep haber ete Ukrain prezidentiniñ matbuat-hızmeti.

«Bizim devletlerimiz Ukrainanıñ qısımları olğan – Qırım Muhtar Cumhuriyeti ve Aqyarnıñ vaqıtınca işğal etilgenine , Rusiye Federatsiyası tarafından Donbassta yapılğan tecavüzge qarşı çıqa. Avropanıñ tınçlığı ve telükesizligini qorumaq maqsadınen Ukrainanıñ topraq bütünligi halqara uquqta tasdiqlanğan sıñırlarında tiklemek içün, bizler dünya toplulığını siyasiy, diplomatik ve saire areketlerini faal surette devam ettirmege çağıramız», – dep buyurıla beyanatta.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ihlâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG