Link açıqlığı

Uquq qorçalayıcılar Qırımda qırımtatarlarnıñ taqip etilmesi, şu cümleden siyasiy apis cezaları, mahkeme ve qaçıruvlar artacağını bildirdi. Bunı Shaun Walker The Guardian saifelerinde yazıp, qırımtatarlar yarımadada rus ya da ukrainlerden bir qaç asır ögüne peyda olğanını qayd ete, dep bildire zn.ua.

Al-azırda qırımtatarlar Qırım ealisiniñ yalıñız 13%-nı teşkil ete. Faqat olar Rusiyeniñ Qırım işğaline qarşı çıqtı, halq liderleri ise yarımada Ukrainanıñ ayırılmaz parçası olğanında israr ete.

Neşir bildire ki, işğalden eki buçuq yıl keçken soñ qırımtatarlar Moskva olarnı qorquzmağa ve boysundırmağa tırışa, dep aytalar.

«Vladimir Putinniñ yañı gibrid gettosında şimdilik sançqan bir tel yoq. Onıñ yerine nefretniñ televizion teşviqatı, bitmegen taqip ve basqı bar», – dep yazdı The Guardian içün izaatlarında qırımtatar faali Ayder Mujdabayev.

Qırımtatar Milliy Meclisiniñ reis muavini İlmi Ümerovnıñ aytqanına köre, o (Rusiye akimiyeti – QA) qırımtatarlarnıñ akimiyet sevgisini qazanamaycağını añlap, olarnı sustırmağa qarar aldı.

«Olar qorqsa, indemeyip oturacaq, şikâyet etmeycek ve Qırım Ukraina olğanını aytmaycaqlar», – dep qayd etti Ümerov.

Mayıs 12-de Qırımnıñ sabıq prokurorı Natalya Poklonskaya FSB taqiqatçıları İlmi Ümerovğa qarşı ekstremizm maddesi boyunca cinaiy iş açqanını bildirgen edi.

Qırımtatar milliy areketiniñ meşur iştirakçisi, Meclis reisiniñ muavini İlmi Ümerovnıñ yaqalanması, evinde keçirilgen tintüv ve oña qarşı cinaiy iş açılması, mecburiy mahkeme-psihik ekspertizanıñ keçirilmesi içün psihiatrik hastahanede tutılması cemaat arasında ve halqara seviyede büyük rezonans doğurğan.

XS
SM
MD
LG