Qırımda nevbetteki sefer billbordta yerleştirilgen Rusiye prezidenti Vladimir Putinniñ resimini boyanen kirlettiler. Bunı Facebookta dekabr 11, bazar künü, ATR telekanalınıñ saibi Lenur İslâmov haber etti.
«Adiy billbord. Qırım – 10.12.16», – dep yazdı İslâmov.
İçtimaiy ağda yerleştirigen resimde, üzerinde Putinniñ resimi ve onıñ Qırım ile Aqyar aqqında sözleri yerleştirilgen poster boyanen kerletilgeni körüne. Bundan ğayrı, poster yerleştirilgen soqaq körünmey.
Soñki sefer Qırımda Putinniñ resimi ile plakatlar kirletilgeni aqqında sentâbr ayınıñ başında haber etile edi. Keriçniñ yataq rayonında Rusiye prezidentiniñ süreti ile billboardnı qara boya ile kirlettiler. Ziddiyet Voroşilova soqağında «Silpo» tükânı rayonında yüz berdi.
Avgustnıñ soñunda Aqmescitte Puşkina soqağında yerleşken evniñ ögünde yapılğan Rusiye prezidentiniñ süretine boya töktiler.
Putinniñ resimleri Qırımda bozulğanı – tek-tek adiseler degil. Kommunal hızmet hadimi «AN-Krım» agentigine aytqanı kibi, öbür sefer Kuybışev soqağında resim zarar körgen edi, lâkin onı «temizlep oldılar».
