Link açıqlığı

Rusiye, sivil ealiniñ qoruması aqqında Cenevre Qaidelerini boza ve ilhaq etilgen Qırımda arbiy cinayetler işley. Bunı 9 dekabrde qırımtatar halqınıñ lideri Mustafa Cemilev, Ukraina Baş prokurorı Yuriy Lutsenko ile körüşüv devamında bildirdi.

Cemilev qayd etti ki, Qırımda «işğalciler demografik vaziyetni deñiştirmek içün tedbir alalar».

«Sivil ealiniñ qoruması aqqında Cenevre Qaideleriniñ 49-cı maddesine binaen, cenk vaqıtında böyle areketlerniñ yapılması – arbiy cinayetler olaraq tanıla», – dedi o.

Ukraina Baş prokurorı Yuriy Lutsenko, UBP yanında çalışqan Qırım prokuraturasınıñ idaresine muracaat etip, yarımamada inasn aqlarınıñ qaba şekilde bozulması aqqında malümat toplamağa ve delil temelini toplamağa avale etti.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG