Öz aqlarını qorçalap, qırımtatarlar zorbasız usullarnı qullanalar. Bu aqta 10 dekabr künü Facebookta Ukraina Haber siyaseti naziriniñ birinci muavini Emine Ceppar yazdı.
«Qırımtatarlar içün bu kün (Halqara İnsan aqlarınıñ qoruvı Künü – QA) er zaman hususiy edi. Bizim öz aqlarımıznı qorçalav yolumız – fenomenaldir. O zorbasız usullar esasında qurulğan. Öz aqlarımıznı qorçalap, biz başqalarnıñ aqqını almaymız. Bu printsip – qırımtatar milliy areketiniñ temelidir», – dep yazdı Ceppar.
Onıñ sözlerine köre, sovetler devirinde onlarnen qırımtatar faalleri legerlerde bulunıp, SSCB içün telükeli ediler.
«Eñ büyük telükelerden biri – Mustafa Cemilev edi. Sovetler devirindeki dissidentlerniñ tecribesi, sovetlerniñ qabul etilnmemesi ve rejimge qarşı immunitet – ğalebemizniñ kefaletidir», – dedi Ceppar.
Dekabr 10 künü Ankarada, Qırımdaki vaqialarğa ve qırımtatarlanıñ rus akimiyetine qarşı köstergen küreşine bağışlanğan sergi açıldı.
