İstanbınıñ Beşiktaş rayonında, Vodafone Arena stadionı yanında terrakt yapılğan soñ, Türkiyede bir künlük milliy matem ilân etildi, dep haber ete «Anadolu» agentligi.
Baş nazir Binali Yıldırımnıñ bu aqta alğan qararı nazirliklerge yollanıldı. Türkiyede bütün milliy bayraqlar biraz endirilgen.
İçki işler naziri Suleyman Soylu haber etti ki, elde etilgen malümatlarğa köre, terrakt aqibetinde 29 insan elâk oldı, 166 yaralandı.
Patlavlar, Türkiye Süper Lig çerçivesinde «Beşiktaş» ile «Bursaspor» taqımları arasında oyun yekünlengen soñ, eki saat soñra teşkil etildi.
Polis hadimleri stadion etrafında soqaqlarnı qapattı, patlav yerine acele yardım maşnaları keldi.
Türkiyeniñ büyük şeerleri, soñ zamanlarda, radikal zümrelerniñ deşetli ücümlarına meydan oldı.
