Tahminen 20 insan İstanbulda, Beşiktaş Vodafone Arena futbol stadionı yanında yüz bergen patlav aqibetinde yaralandı. Bunı dekabr 10 künü Radio Svoboda haber ete.
Tasdiqlanmağan malümatqa köre, Taksim meydanı yanında ekindi patlav yüz berdi.
Akimiyetniñ malümatına köre, birinci patlamada – bombalı maşna, polis avtobusı yanında patlatıldı. Polis, Türkiyeniñ Süper Lig taqımları arasında keçirilgen oyun devamında cemiyet havfsızlığını qorçalay edi. Yaralanğanlarnıñ ekseriyeti – polis hadimleri olğanı esaplanıla.
Türkiyedeki bazı haber vastaları, canlı yayınlarnıñ yasaq etilmesi aqqında haber ettiler.
Soñki yılları Türkiyede zorbalıq ve terrakt eylemleri sıqlaştı. Olarnı kürt ayrılıqçıları, ya da radikal taqımlar, ya da aşırı solcu zümreler teşkil ete.
