Link açıqlığı

Yañlış teşkil etilgen tasil sisteması Şarqta ve Qırımda yüz bergen vaqialarda rol aldı – Grineviç


Liliya Grineviç, arhiv resimi

Ukraina Tasil naziri Liliya Grineviç, «Barışıq yolunda: insan ölçüsü» konferentsiyası devamında dedi ki, yañlış teşkil etilgen tasil sisteması Şarqiy Ukrainada ve Qırımda yüz bergen facialı vaqialarnıñ başlanğıcında rol alğan edi. Bunı Ukraina Tasil ve ilim nazirliginiñ matbuat-hızmeti bildire.

«Yañlış teşkil etilgen tasil sisteması Şarqta ve Qırımda yüz bergen facialı vaqialarnıñ başında rol alğan edi. Umumiy degerliklerge esaslanıp, ukrain vatandaşınıñ şekillenmesi ve terbiyesi boyunca yekâne sistemamız yoq edi. Bazı fenler pek farqlı ğaye yanaşmalarınen berile edi. Meselâ, Ukrainanıñ tarihı. Albu ki, bu dersler zemaneviy insan içün pek emiyetli olğan grajdalıq añlayışını şekillendirmek kerekler», – dedi Grineviç.

Bundan ğayrı nazir qayd etti ki, şimdi Ukraina Tasil nazirligi, kontrolden çıqarılğan bölelerdeki ballarnen ve gençlernen faal surette çalışa. İşğal etilgen topraqlardan köçip kelgen ailelerniñ balları şimdi bala bağça ve mekteplerge vesiqalarsız qabul etile, kâğıtsız – eñ sade ve qolay şekilde.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhaq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG