Qırımda kene furtuna havfı ilân etildi – sinoptikler ava şaraitleriniñ bozulacağını ve çığ tüşecegini tahmin eteler. Bunı Kreml kontrolündeki Qırım Fevqulâde vaziyetler nazirliginiñ idaresi haber ete.
Müessiseniñ matbuat-hızmetinde bildirdiler ki: «Qırım gidrometeorologiya ve etraftaki müitniñ nezaret idaresi» Fedral devlet müessisesniñ elde etken malümatına köre, 9 dekabrde, künniñ ekinci yarısında, 10 dekabrde – kün devamında Qırım dağlarında müşkül buzlavuq ve klegey buz olacağı beklenile. 10-11 dekabr künleri Qırım dağlarında sılaq qar çığları tüşecegi tahmin etile».
Bundan ögüne Aqyarda ava şaraitleriniñ bozulması sebebinden yolcu katerleriniñ naqliyatı vaqıtınca toqtatıldı.
