Keçirilgen tamir işlerinden sebep Aqyarda dekabr 9-da suv berilmesi sıñırlanğan. Bunı Kreml kontrol etken Aqyar ükümetiniñ matbuat hızmeti bildire.
Matbuat hızmeti qayd etkenine köre, Universitetskaya, Lesâ Ukrainka, Sladkov ve Vakulençuk soqaqlarında suv olmaycaq.
Rusiye işğal etken Qırımda merkeziy suv teminlevi olmağan mesken yerlerniñ sayısı arta. Kreml kontrol etken yarımada ükümetiniñ matbuat hızmeti bildirgenine köre, suv şeerlerniñ bazı mikrorayonlarına ve köylerge saqalarnen ketirile.
Rusiyeniñ Qırım işğalinden soñ Ukraina yarımadağa Dnipronı yarımada ile bağlağan esas Şimal-Qırım kanalı üzerinden suv berilmesini toqtattı. Ukraina Qırımnıñ suv ihtiyacalırınıñ 85%-nı bu kanal vastasınen qarşılağan edi.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ihlâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
