Link açıqlığı

Rusiye sıñırcıları Qırım advokatlarını yarımada ile memuriy sıñırda kene yaqaladı


Advokatlar Emil Kürbedinov ve Edem Semedlâyev

Qırım advokatları Emil Kürbedinov ve Edem Semedlâyev dekabr 8-de Qırım ile memuriy sıñırda kene yaqalanğan. Bunı Emil Kürbedinov Facebooktaki saifesinde yazdı.

«Edem Semedlâyev ile Rusiye sıñırında kene yaqalandıq. Bir saat tuttılar», – dep yazdı advokat.

Qırım.Aqiqat bunı tafsilâtlıca ögrenmege tırışa.

Noyabr soñunda advokatlar Qırım ile memuriy sıñırda endi yaqalanğan ediler. Kürbedinovnıñ aytqanına köre, Rusiye sıñırcıları «tertip deñişti ve bir de bir tedbir keçirilgenini» aytqan edi. Bu sebepten olar ayrı odada sual bereler».

Advokat Emil Kürbedinov Qırım ile memuriy sıñırda Rusiye sıñır hızmetiniñ vekilleri tarafından eki kere yaqalanğanını añlattı. Birinci kere, onıñ bildirgenine köre, sentâbr 22-ne keçer gecesi esas Ukrainağa ketkende yaqalandı, Kürbedinov ve zenaatdaşı Edem Semedlâyevni bir saatten ziyade tutqan ediler. Advokatlar bunıñ iş faaliyetinen bağlı olğanını tüşüneler.

2014 senesiniñ başında Rusiye Qırımnı işğal etken soñ esas Ukraina ve yarımada arasında memuriy, asılında ise tam bir «sıñır» peyda oldı. Memuriy sıñırda «Kalançak», «Çonğar» ve «Çaplınka» kiriş-çıqış nezaret noqtaları çalışmaqta.

XS
SM
MD
LG