«Euromaydan SOS» teşebbüsiniñ faalleri LetMyPeopleGo kampaniyası çerçivesinde «Qırım referendumı» arfesindeki barışıq tedbirler nasıl sustırıldı ve olarnıñ iştirakçi ve teşkilâtçıları şimdi qayda» mevzulı matbuat konferentsiyasını keçirecekler. Bunı tedbir teşkilâtçıları bildire.
Teşkilâtçılarnıñ aytqanına köre, Qırımtatar Milliy Meclisiniñ reis muavini Ahtem Çiygoznıñ işi ayrı taqiqat olğan soñ uydurılğan «fehral 26 davasınıñ» şahısları qırımtatarlar Ali Asanov ve Mustafa Degermenci ket-kete az añıla.
«Andrey Şçekun – Aqmescitte Taras Şevçenkonıñ doğğan künü munasebetinen barışıq mitingni teşkil etmege istegeninden sebe qaçırılğan ve 11 kün esir tutılğan Qırım faalidir. Euromaydan iştirakçisi İvano-Frankovsk sakini Nikolay Şiptur işğalge qarşı çıqqanlarğa qoltutmağa ketken ve Aqyardaki aktsiyadan soñ yaqalandı, bir buçuq yıldan ziyade apiste yata. Bu işler esasında uquq qorçalayıcılar, soy-sop ve advokatlar yarımada işğalinden evel olğan basqı, onıñ qurbanları ve olarnıñ taqdirleri aqqında tarif etecekler», – dep bildireler aktsiya teşkilâtçıları.
Faallerniñ aytqanına köre, matbuat konferentsiyası dekabr 9-da Ukrain buhran media merkezinde keçirilecektir.
