Rusiye qaba şekilde halqara uquqnı bozğanını beyan etip, Avropa Birligi açıqtan ve mantıqqa uyğun şekilde Qırım aqqında noqta-i nazarna riayet ete. Bunı Ukraina Tışqı işler nazirliginiñ matbuat-kâtibi Maryana Betsa öz Twitter saifesinde yazdı.
«Avropa Birliginiñ açıq ve devamlı noqta-i nazarı – Rusiye qaba şekilde halqara uquqnı boza. AB iç bir vaqıt Qırım Muhtar Cumhuriyetiniñ qanunsız işğalini ve ilhağını qabul etmeycek», – yazdı Betsa.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ihlâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
