Link açıqlığı

Zuya qasabasınıñ sakinlerine eki kün devamında suv berilmeycek


Qarasuvbazar rayonındaki Zuya qasabasında eki künge suv kesilecek. Bunı 7 dekabrde Rusiye kontrolündeki Qırım İçki siyaset, haber ve bağ nazirliginde bildirdiler.

«Balanova suv anbarından çıqqan magistral suv ağında tamir işleri alıp barılğanı sebebinden, Zuya qasabasına 2016 senesi 8 dekabr saat 8:00 başlap 2016 senesi dekabr 10 kününe qadar suv berilmeycek. Ealige suvnı evelden alıp saqlamağa tevsiye etildi», – dediler Haber nazirliginde.

Bundan ögüne Qırımdaki rus akimiyeti yarımadanı toqtatmayıp suvnen teminlemege vade etken edi.

Rusiyeniñ Qırım işğalinden soñ Ukraina Dnipronı yarımada ile birleştirgen Şimal-Qırım kanalı boyunca yarımadağa suv berilmesini toqtattı. Ukraina bu kanal üzerinden Qırımnıñ suv ihtiyaclarınıñ 85%-nı qarşılağan edi.

XS
SM
MD
LG