Link açıqlığı

Qırımlı ıjurnalist Nikolay Semenanıñ işi boyunca malümatlar Yañı yılğa qadar mahkemege teslim etilecektir. Dekabr 7 künü oña, onıñ qabaatlanğan şahıs olaraq celp etilgeni aqqında qararnıñ soñ tariri berildi. Taqiqatçı ilân etti ki, 8 dekabrden başlap, işniñ malümatları ile tanıştırıp başlaycaqlar. Bunı Qırım.Aqiqatqa bergen izaatında 7 dekabrde Qırımlı advokat Emil Kurbedinov bildirdi.

Qoruma tarafından bir sıra muracaatlar seslendirilgen edi.

«Bizim bügün körgenimizden ayta bilem ki, Nikolay Semena mahkeme ögünde Rusiyeni, Putinni ve onıñ rejimini bilhassa nefret etken insan olaraq kösterilecek. Bizim iç bir hayalımız yoq, er alda qabaatlayıcı qarar alınacaqtır. Yapıla bilecek bir tek şey – cemaatnıñ basqısı ile bu işniñ sapıqlığı sebebinden, oña ceza olaraq sadece şaqtlar ile serbestlikten marum etilmesi tainlenmek mümkün. Şimdi uquq qorçalayıcılar jurnalistni kerçekten apiske oturtacaqlarını tüşünmeyim», – dedi Kurbedinov.

Advokatnıñ sözlerine köre, yaqın zamanda qoruma tarafı işniñ malümanlarını talil etecek, «olar şimdi 6 cıltqa toplanılğan, er birinde 250 saife. Bundan soñ qorumanıñ belgileycek yolağı işlenilecek».

Baarde Qırımda Qırım.Aqiqat ile işbirliginde şeklengen jurnalistlerniñ evlerinde tintüvler olıp keçti. Radio Svoboda müellifi Nikolay Semenağa qarşı Rusiye Federatsiyasınıñ topraq bütünligini bozmaq çağıruvları şeklenmesi ile cinaiy iş açıldı. Rusiye taqiqatı oña yarımadanı terk etmege yasaq etti.

Ukraina Tışqı işler nazirligi işğal etilgen Qırımda Ukraina vatandaşları, şu cümleden Nikolay Semenanıñ taqip etilmesinden qasevetlengenini bildirip, oña qarşı yapılğa basqını toqtatmağa çağırdı.

Nikolay Semenanıñ advokatları, Halqara ve Avropa jurnalistleri Federatsiyası, em de OSCE ifade serbestligi meseleleri Temsilcisiniñ ofisi, FSBge muracaat etip, onı Qırımdan tedaviylenmesi içün yibermege çağırdı, lâkin müsbet cevap şimdige qadar daa berilmedi.

Qırım.Aqiqat multimedia haber platforması – Rdio Svobodanıñ ukrain muarririyeti tarafından meydanğa ketirilgen leyhadır, onıñ işini Qırımlı jurnalistler 2014 senesi Qırım Muhtar Cumhuriyeti ve Aqyar şeeri Rusiyeniñ işğaline oğrağan oğrağañ soñ teşkil ettiler.

Noyabrniñ soñunda Qırım jurnalisti Nikolay Semena Pavel Şeremet adına mukâfatnen taqdirlendi. Amma onı Brüsselge kelip almağa imkânı yoq, çünki Qırımdan çıqması yasaq etile

XS
SM
MD
LG