Link açıqlığı

Vadim Siruknıñ advokatı müşterisinen körüşmek içün psihiatrik hastahanege kirip olamadı


Emil Kürbedinov, arhiv fotoresimi

Qırım advokatı Emil Kürbedinov psihiatrik hastahanede müşterisi Vadim Siruknen körüşip olamadı. Bunı Kürbedinov dekabr 7-de Facebook saifesinde yazdı.

«Anda tek bir oda bar (psihiatrik hastahanede – QA) ve advokatlar saat 15-ke qadar alına. Sabadan olar deñişeler, kirmege amann-aman imkânsız. Müşterinen saat 12-den 13-ke qadar kirmek mümkün. Bugün men bunı yapıp olamadım», – dep bildirdi Kürbedinov.

Advokat «Hizb ut-Tahrir davasınıñ» yaltalı iştirakçisi Vadim Siruknıñ apis cezası 2017 senesi fevral 8 kününe qadar uzatılğanını bildirgen edi.

«Hizb ut-Tahrir» davasınıñ Yaltalı iştirakçileri yarım yıldan ziyade apiste yata. Birinci dört kişi 2016 senesi fevral 11-de yaqalanğan edi. Olarnıñ arasında İnsan aqları bağ gruppasınıñ azası Emir-Üsein Kuku da bar. Ondan ğayrı qurucılıqnen oğraşqan Aluşta sakini Müslim Aliyev ve Qızıltaş köyüniñ sakini Enver Bekirov, ve Yaltalı çeçek satıcısı Vadim Siruk da yaqalanğan edi.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG