Qırımda 8-10 dekabr künleri arasında, yelniñ küçlengeni sebebinden, furtuna havfı olacağı ilân etildi. Bunı dekabr 7 künü Kreml kontrolüdeki Qırım Fevqulâde vaziyetler nazirliginiñ matbuat-hızmeti bildirdi.
«8 dekabrde kündüz, 9 ve 10 dekabrde kün devamında, saniyede 15-20 metr suratınen küçlü cenübiy-ğarbiy yel esecegi beklenile», – dep buyurıla bildirüvde.
Qurtarıcılar, yarımada sakinlerini ilân panolarından ve elektrik ağlarından uzaqça bulunmağa, ve kerek olğanda Keriç parom keçitiniñ işindeki deñişmelerni taqip etmege tevsiye ete.
Bundan ögübe Qırımda ava şaraitleri eyileşecegi tahmin etile edi: ava qızacaq edi ve yağanaqlar olmaycaq edi.
