Link açıqlığı

Saatnıñ esas haberi

Cemilev: Avropa parlamentinde canlı qırımtatar nağmeleri yanğıradı


Mustafa Cemilev, arhiv fotoresimi
Mustafa Cemilev, arhiv fotoresimi

Dekabr 7-de Brüsseldeki Avropa parlamenti binasında canlı qırımtatar nağmeleri yanğıradı. Bunı qırımtatar halqınıñ lideri, Ukraina halq deputatı Mustafa Cemilev Twitterde bildirdi.

«Avropa parlamentinde ilk sefer canlı qırımtatar milliy nağmeleri yanğıradı», – dep yazdı Cemilev.

Mustafa Cemilev Brüsselde çıqışta bulunır eken, Avropa Birligi ve institutları Ukrainağa qoltutmağa devam etecegine ümüt etkenini bildirip, «yarımadanı işğalden qurtarmaq içün» areket etmege çağırdı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ihlâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG