«Aeroflot» ava şirketi kelecek seneden başlap Soçi – Aqmescit – Soçi uçaq seferlerini er kün kerçekleştirmege planlaştıra. Bunı Aqmescit ava limanınıñ matbuat hızmeti bildirdi.
«Aeroflot» ava şirketi 2017 senesi yanvar 2-den başlap Soçi – Aqmescit – Soçi uçaq seferlerini kerçekleştirecektir. Biletler şimdiden sımarlana ve satın alına bile», – dep aytıla haberde.
Matbuat hızmeti qayd etkenine köre, uçuşlar er kün kerçekleştirilecek – uçaq saat 9:30 Aqmescitten çıqıp, saat 10:45 Soçide (Adler) qonacaqtır, Soçiden Aqmescitke uçaq saat 7:15 çıqıp, 8:30 qonacaqtır. Bu yönelişte Rusiye uçaqları çalışacaqtır.
Kreml kontrol etken Qırım akimiyeti bildirdi ki, Başkortostandan raatlanmağa kelgenler içün küz-baar mevsimlerinde Aqmescit ve Ufa arasında uçaq seferleri açılacaqtır.
