Link açıqlığı

«Çiygoznıñ işi» boyunca mahkeme toplaşuvında gizli şaatlarnıñ sorğusı başlandı. Bunı 6 dekabr künü Qırım.Aqiqat muhbiri bildire.

Prokuror gizli şaat Petrovnıñ sorğusını keçirmege rica etti. Evelki ifadelerinde o Qırımtatar Milliy Meclisiniñ Prezidium azası olğanını bildirgen eken. Nikolay Polozovnıñ sözlerine köre, prokuror bir-qaç formal sual soradı, bundan soñ ise qoruma tarafı sorğunı devam etti.

«Vaziyetke baqarmız, biz onıñ tersini çevirmege niyetlimiz», – dedi Polozov.

Ceryan iştirakçileri ve diñleyiciler qayd ettiler ki, şaat Petrovnıñ cevap berüv tarzı, oña birisi fısıldağanı ya da o birisinen öz cevaplarını teñleştirgeni kibi körüne edi.

«Onıñ şahsiyeti aqqında soralğan suallerge, şaat birden cevap bere edi. Körüne ki, o öz fikirlerini yahşı ifade ete ve pek tez laqırdı ete bile. Lâkin mahkeme içün bir şeyler añlata bilecek sualler soralğanda,o sustı, ve biz epimiz, mikrofon de köçürüle de söndürülgenini eşite edik. Ya oña o vaqıt birisi aytacaq sözlerini ögrete edi, ya da o birisinen aqıl tanışa edi», – dedi faaliyetçi Leylâ Yaşlavskaya, o mahkeme toplaşuvında iştirak ete edi.

Neticede qoruma tarafı, gizli şaat Petrovnıñ ifadelerini, qabul etilmeycek deliller olaraq, red etmege rica etti, faqat mahkeme bunen razı olmadı.

Nikolay Polozov, 6 dekabrde ötkerilgen mahkeme toplaşuvınıñ audio-yazısını yayınlamağa vade etti.

«Biz isteymiz ki, er kes gizli şaatnı, ve mahkemede olıp keçken bütün tartışmalarnı diñlep olsun. Belki, birisi şaatnıñ sesini tanımağa ve onıñ kim olğanını añlamağa ister ve bunı yapa bilir», – dedi Polozov.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG