Qırımtatar Milliy Meclis reisniñ muavini İlmi Umerovnıñ qızı Ayşe Umerova öz Facebook saifesinde yerleştirgen video-levhada, qırımtatar faalleri advokat Nikolay Polozovnı doğğan Künü ile hayırladılar.
Video-levhada İlmi Umerov, Ayşe Umerova, Emine Ceppar, Zair Smedlâyev ve diger faaller iştirak etti.
«Bizim sayğılı ve ürmetli Nikolay Polozov! Sizni doğğan Künüñiz ile hayırlaymız! Kerçek dostlar zorluqta belli ola, Siz ise, Rusiye akimiyeti tarafından yapılğan basqığa baqmadan, yanımızdasıñız ve biznen beraber adaletsizlikke ve basqılarğa qarşı küreşkesiñiz, bu içün bizler, qırımtatar milliy areketniñ faalleri, Sizge samimiy minetdarlığımıznı bildirip, Sizni qırımtatar halqınıñ kerçek dostı olaraq esaplaymız», – dep yazdı Umerova Facebookta.
Bunen beraber dekabr 6 künü faaler Nikolay Polozovğa, qırımtatarlarnıñ aqqlarını qorçalamaq işinde yüksek ihtisasiyet ve cesaret köstergeni içün, rus akimiyeti tarafından yapılğan basqığa baqmadan, qırımtatarlarnen beraber adaletsizlikke ve basqılarğa qarşı küreşkeni içün, fahriy yarlıq berdiler.
Nikolay Polozov – Rusiyeli adokat, Rusiyede ve işğal etilgen Qırımda bir sıra tartışmalı mahkeme işerinde imayeci olaraq iştirak ete. O Qırımtatar Milliy Meclis reisniñ muavinleri İlmi Umerovnıñ ve «26 fevral» işinde Ahtem Çiygoznıñ menfaatlarını qorçalay, ve Mustafa Cemilevniñ oğlu Hayser Cemilevniñ advokatı edi.
