Link açıqlığı

Ukrainanıñ musulman teşkilâtları işbirlik aqqında añlaştılar


Said İsmagilov, Ukraina musulmanları Muqavelesiniñ imzalanması vaqıtında, 5 dekabr 2016 senesi

Kyivte dekabr 5 künü musulman cemiyetleri Ukraina musulmanlarınıñ Muqavelesini imzaladılar. Onda musulmanlarnıñ Ukrain devletinde riayet etecek printsipleri ve davranışları belgilengen. Bunı Qırım.Aqiqat muhbiri bildire.

«UMMA» Ukraina musulmanlarınıñ diniy idare müftisi Said İsmagilov dey ki, bu vesiqanıñ imzalanması Ukraina musulmanları içüm misilsiz ve emiyetli vaqiadır.

«Bu muqavele bir-çoq musulman teşkilâtınıñ yapqan areketleri, qoşqan isseleri, muzakereleri ve imzalamaları neticesinde meydanğa keldi. Bir taraftan, muqavele musulmanlarıñ kendi aralarında qurğan munasebetlerini ifadeley. Diger taraftan, ukrain musulmanlarınıñ devletke, devlet müessiselerine, ukrain halqını, tiline ve medeniyetine nisbetten davranışnı beyan ete. Musulmanlarnı Ukraina qanunlarını eda etmege mecbur ete. Diger dinlerge ve inançlarğa sayğı kösterilmesini beyan ete. Bu teraqqiy bir vesiqadır», – dep, İsmagilov mezkür vesiqanı izaatladı.

Ukraina musulmanları Muqavelesiniñ imzalanması, 5 dekabr 2016 senesi
Ukraina musulmanları Muqavelesiniñ imzalanması, 5 dekabr 2016 senesi

Yaqın Şarq tedqiqatlar Merkeziniñ mudir muavini Sergey Danilovnıñ fikirine köre, Qırımnıñ Rusiye tarafından işğal etilmesine musulmanlarnıñ reaktsiyası bu muqaveleniñ peyda olmasına sebep oldı.

«Qırım ve Donetsk ile Lugansk vilâyetiniñ bazı qısımları işğal etilgen soñ Ukrainadaki musulman teşilâtlarınıñ haritası deñişti. Muqaveleniñ peyda oluvı – bügün musulman cemiyetiniñ ve bütün ukrain cmiyeti ögünde turğan küçlü çağıruvlarğa cevap oldı. Bügün biz köremz ki, umumen millet ögünde turğan çağıruvlar ve bir diniy cemiyetniñ hususiy vaziyeti teñ keldi», – dedi İsmagilov.

Vesiqa imzalanğan soñ musulman teşkilâtlarınıñ vekilleri Ukraina musulmanları Muqavelesiniñ maddeleri amelge keçirilmesi içün iş gruppasını teşkil etmege istek bildirdiler.

XS
SM
MD
LG