Fiolent burunı civarında, «Karavella» turistik bazası yanında, yalı qısımı eşildi. Zarar körgen yerniñ meydanlığı – tahminen 250 kare metrni teşkil ete. Bunı «Aqyar haberleri» bildirdi.
«İlk malümatqa köre, sahil boyu ve yol parçası eşildi. Qısmetimizge, insan qurbanları yoq. Qaza yerinde Aqyardaki FVN idare hadimleri vaziyetge qıymet kesip, eşilüvniñ aqibetlerini al etmek ve ealini qorumaq içün tedbir ala», – dep yazıla bildirüvde.
Kütleviy haber vastalarınıñ foto-resimlerine körmege mümkün ki, mesken binalar eşilgen yerden bir-qaç metr çette qala.
