Link açıqlığı

Saatnıñ esas haberi

Türkiye Ukraina tarafından Qırımğa yayın yapılmasına yardım ete bile


Çonğar yanında TV qullesiniñ qurulması, 2 dekabr 2016 senesi
Çonğar yanında TV qullesiniñ qurulması, 2 dekabr 2016 senesi

Herson vilâyetinniñ Geniçesk rayonından yañı TV qullesi vastasınen Qırımğa yapılacaq yayınlar içün Türkiye ukrain dalğalarını uyğun qabul etti, ve Qırımnıñ memuriy sıñırımda «Çonğar» kiriş/çıqış noqtası yanında qulleniñ qurulmasına destekçi oldı. Bunı 3 dekabr künü Ukrinform haber ete.

«Bu dalğalarnı uyğun körgen devletlerden biri de – Türkiye olğanını aymağa isteyim. Yani, olar bu meselede bizim ittifaqdaşımız oldı», – dedi Ukraina TV ve radio yayınlav sualleri boyunca Milliy şura azası Sergey Kostinskiy.

Qırım.Aqiqat evel yazğanı kibi, Ukrainanıñ TV ve radio yayınlav sualleri boyunca Milliy şurası Rusiyeniñ işğalinde bulunğan Qırımğa Çonğardan, DVB-T2 standartları boyunca, TV yayınlarını tarqatmaq içün kerekli dalğanı esaplamağa sımarladı. Bu aqta qarar Milliy şuranıñ toplaşuvında dekabr 1 künü qabul etildi.

Dekabr 2 künü Çonğarda TV ve radio qullesiniñ temeline birinci blok qoyuldı. Dekabrniñ soñunda Qırım sakinleri gece-kündüz devamında çalışacaq dört ukrain radiostantsiyasını eşitip olacaqları beklenile.

Ukraina TV ve radio yayınlav sualleri boyunca Milliy şurası Herson vilâyetinde televizyon ve radio yayınlarınıñ inkişaf ettirilmesi ve işğal etilgen Qırımğa yayınlarnıñ tarqatılması içün mahsus strategiya leyhasını azırladı. Strategiyanıñ maqsadı – Herson vilâyetiniñ daa çoq yerine analog ve dijital yayınlarnı yetkizmek, ve işğal etilgen topraqladan çıqqan efir yayınlarını Herson vilâyetiniñ cenübiy taraflarına yibermemektir.

XS
SM
MD
LG