Link açıqlığı

Saatnıñ esas haberi

Qırımda «Ey, güzel Qırım» belli qırımtatar yırına çekilgen yañı video-klipni taqdim ettiler


Tasviriy resim
Tasviriy resim

Qırımda dekabr 1 künü meşur qırımtatar «Ey, güzel Qırım» yırına azırlanılğan klipni taqdim ettiler, dep haber ete «QHA».

Bu türkü qırımtatarlar arasında keñiş tarqalğan ve Vatanğa avdetni temsil etedir. Muzıkacı Rolan Salimov (DJ Bebek) bü yırnıñ nağmesini deñiştirip yazdı, bir-çoq belli qırımtatar şahıslarnıñ iştiraginen çekilgen klipni ise Qaradeniz Production merkezi azırladı.

«Ey, güzel Qırım» türküsini bilmegen qırımtatarı barmı? Bu yırnen bizim halqımız öz tuvğan toprağına qayta edi. Men inanam, Qırımnı mecburen terk etken bizim dostlarımıznı ve tuvğanlarımıznı da bu yır kene de qaytarır. Bu bizim olarğa çağıruvımız. Ve men bilem, olarnıñ çoqusı anda, ğurbetlikte, usanmadan çalışa, öz evine yol aça, serbest Qırımğa yolumıznı aça», – dedi Qırımtatar Milliy Meclis reisiniñ birinci muavini Nariman Celâl.

Klipniñ taqdiminde Nariman Celâldan ğayrı İlmi Umerov, qırımtatar faalleri ve Qırım medeniyet ve sanat erbapları iştirak etti.

XS
SM
MD
LG