Link açıqlığı

Polozovnıñ fikirince, onıñ şaat olaraq sorğuğa çekilmesi onı işten uzaqlaştıracaq


Nikolay Polozov

Rusiye advokatı Nikolay Polozov dekabr 1-de Qırım.Aqiqatqa izaat berip, onı Qırımtatar Milliy Meclisiniñ reis muavini İlmi Ümerovnıñ davasında şaat olaraq sorğuğa çekseler, advokat imayeci statusından marum etilecek, dep bildirdi.

«Mahkeme qararından nasıl ve kim onı qabul etti belli olacaq, taqiqatçınıñ şahsiy menfaatı ya da maña qırımtatarlarnı qorçalağan advokatqa olaraq planlaştırılğan basqı edi», – dep ayttı Polozov.

Onıñ hatırlatqanına köre, FSB taqiqatçısı sentâbr ayında advokatnı sorğuğa çekmege rica etken edi. Mahkeme Ümerovnıñ malümatları advokat sırı ola dep, bu muracaatnı red etti. Bundan soñ taqiqatçı Kreml kontrol etken Qırım Yuqarı mahkemesinde taqiqatçı mezkür qarardan şikâyet etti, onı tekrar baqmağa qarar aldılar.

Advokat qayd etti ki, netice nasıl olsa olsun, onıñ mahkeme qararından şikâyet etme imkânı bar. O, Moskvadaki Advokatlar palatasına muracaat etken edi, amma cevap şimdilik yoq.

Kreml kontrol etken Aqmescitniñ Kyiv rayon mahkemesi dekabr 13-de advokat Nikolay Polozovnıñ sorğuğa çekilmesi içün izin bere bilecek oturışnı keçirecektir.

XS
SM
MD
LG