Qırımda 2-3 dekabr künlerinde furtuna havfı ilân etildi, dep haber ete Kreml kontrolündeki Qırım Fevqulâde vaziyetler nazirligi.
«2 dekabrde, kündüz ve 3 dekabr künü devamında Qırımda ava şaraitleri müşkül olacağı beklenile: şiddetli yağmur, sılaq qar, qar, bazı yerlerde küçlü yaqanaqlar beklenile. Dağlarda – boran, yollarda – buzlavuq olacaq, sılaq qar büyük kölemde toplanılacaqtır. Saniyede 20-25 metr suratınen pek küçlü cenübiy-ğarbiy ve şimaliy-ğarbiy yel esecektir», – dep qayd ettiler müessiseniñ matbuat-hızmetinde.
Qırım gidrometeorologik merkeziniñ tahminlerine köre, dekabr 2 künü, gece ava arareti sıfırdan aşağı 4-6 derecege qadar suvucaqtır, kündüz ise 6 derece sıcaq olacaqtır.
