Link açıqlığı

Saatnıñ esas haberi

Qırımda Polozovnı sorğuğa çekmek içün mahkeme oturışınıñ keçirilmesi ilân etildi


Nikolay Polozov
Nikolay Polozov

Kreml kontrol etken Aqmescitniñ Kyiv rayon mahkemesi dekabr 13-de advokat Nikolay Polozovnı sorğuğa çekmek içün izin berecek toplaşuvnı keçirecek ola. Bunı advokat dekabr 1-de Twitterdeki saifesinde bildirdi.

«FSB taqiqatçısı Skripka telefon etti, sorğumnıñ izni boyunca toplaşuv 13.12 Aqmescitniñ Kyiv rayon mahkemesinde ötkerilecegini haber etti», – dep aytıla haberde.

Advokat Nikolay Polozov Qırımtatar Milliy Meclisiniñ reis muavini İlmi Ümerovnıñ, em de «fevral 26 davasında» Ahtem Çyigoznıñ menfaatlarını temsil etmektedir. Advokatnıñ aytqanına köre, FSB taqiqatçısı onı İlmi Ümerovnıñ davasında şaat statusına çevirip ve sorğuğa çekip, esnastan uzaqlaştırmağa tırışa.

Polozov taqiqatçınıñ areketlerini «basqı» olaraq adlap, advokatlar cemiyetinden yardım istedi.

XS
SM
MD
LG