Advokatlar Emil Kurbedinov ve Edem Semedlâyev, noyabr 30 künü aqşam Qırımnıñ memuriy sıñırında rus sıñırcıları tarafından bir «operatsiya» keçirilgeni sebebinden tutılğanlarını bildirdiler. Bunı Kurbedinov Qırım.Aqiqatqa bergen izaatında haber etti.
«Bizni tahminen bir-buçuq saat tuttılar. Pasportlar teşkerilgen yerden bizni ayrı odağa alıp kettiler ve soñra meni ve menim şideşimi (Edem Semedlâyevni – QA) sorğudan keçirdiler. Olar dediler ki, olarda bir operatsiya ötkerile ve tertip deñişti. Bu sebepten olar yerinde degil de, ayrı odada sorğu keçireler», – dedi Kurbedinov.
Advokatnıñ sözlerine köre, Rusiye sıñırcıları olarnı memuriy sıñırdan yiberdiler ve şişeler Kyivke yol tutalar.
Bundan evel Qırımlı advokat Emil Kurbedinov, Rusiye sıñır hızmetiniñ hadimleri Qırımnıñ memuriy sıñırında onı eki kere tutqanını beyan etken edi. Onı sözlerine köre, ilk kere böyle bir şey 22 sentâbrde, qitaiy Ukrainağa çıqqanları vaqıtta olğan edi, o vaqıt advokatlarnı bir saatten ziyade tutqan ediler. Böyle adiselerniñ sebebini Emil Kurbedinov ve Edem Semedlâyev öz zenaatınen ve faaliyetinen bağlaylar.
Qırım2014 senesiniñ başında Rusiye tarafından işğal etilgen soñ Ukainanıñ qıtaiy qısımı ve yarımda arasında asılında memuriy, lâkiv fakt olaraq kerçek «sıñır» keçirildi. Memuriy sıñırda üç kiriş/çıqış noqtası çalışa – «Kalançak», «Çonğar» ve «Çaplınka».
