Dekabr 1, cumaaqşamı künü Rusiyede Vladimir Putinniñ Federal Meclis ögünde er yıllıq çıqışı olacaqtır. Rusiye prezidentiniñ resmiy sitesinde haber etilgeni kibi, merasim Moskvada Kreml sarayınıñ Büyük Georgiy salonında keçirilecek.
Putinniñ çıqışı «Rossiya» ve «Pervıy» telekanallarında, Rusiye cemiyet TV efirinde canlı yayında kösterilecek.
Jurnalistlerniñ merasimge qoşulmaları içün qayd etilmeleri endi yekünlendi, episi olıp yiberileceklerniñ cedveline kütleviy haber vastalarınıñ 616 vekili kirsetilgen, cedvelniñ tolusı Rusiye prezidentiniñ sitesinde yerleştirile.
2015 senesi dekabr ayında Rusiye prezidenti Vladimir Putin öz er yıllıq Federal Meclis ögündeki çıqışında Qırım tek bir cümlede añğan edi. O Qırımnıñ işğal etilmesini – memleketniñ inkişafında «nevbetteki sıñır» olaraq tanıtqan edi.
