Link açıqlığı

«Çiygoz davasınıñ» oturışı teneffüsten başladı – advokat


Advokat Nikolay Polozov

Kreml kontrol etken Aqmescitteki Yuqarı mahkemede noyabr 30-da «Çiygoz davasınıñ» daa bir oturışı teneffüsten başladı. Bunı advvokatı Nikolay Polozov Twitterdeki saifesinde aydınlattı. Polozov qayd etti ki, bugünki toplaşuvda birden eki videokonferentsiyanı keçirmege planlaştırıla.

«Bugün birden eki videokonferentsiya olacaq. Zarar körgen qadın Moskvadan ve Çiygoz SİZOdan», – dep aytıla haberde.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.


XS
SM
MD
LG